Untaton ang pamulitika sa pagpanagtag sang ESA, ibasura ang DSWD MC#24!

PAHAYAG SANG KUSOG SANG PUMULUYO

SYUDAD sang Iloilo – Kami sa Kusog sang Pumuluyo (organisasyon sang mga biktima sang Bagyo Yolanda sa Panay) nagapakamalaut sa paggamit sang pagpanagtag sang Emergency Shelter Assistance (ESA) sa pamulitika sang mga kandidato kag kaalyado sang rehimeng B.S. Aquino.

Sa nagkalain-lain nga probinsya sang Panay, nagareklamo ang mga biktima sang Bagyo Yolanda nga mahinay ang pagpanagtag sang ESA kag ginagamit sa pamulitika sa diin man ini ginapanagtag. May ara nga ginahilabtan sang mga mayor kag barangay captains ang kantitad nga ginapanagtag. May ara man nga ginapili lang ang ginahatagan kag ginadowngrade sa “partially damaged houses” ang sa kamatuoran totally damaged houses.

Nagapati kami nga ginainanay sang gobyerno ang pagpanagtag sang ESA agud gamiton sang mga kandidato sang administrasyon sa pamulitika sa eleksyon 2016.

Sa iban nga lugar, indi mapanagtag ang ESA kon wala ang nagapanguna nga pulitiko nga nagaangkon nga “iya” ang mga pundo nga ginapanagtag.

Luwas sini, ginapanagtag gihapon ang ESA sandig sa discriminatory nga DSWD Memorandum Circular 24 nga nagaexclude sang mga nahatagan na sang housing assistance sang mga NGOs, sang mga ara sa “no dwell zone”, kag nagakita sang indi magkubos sang P15,000. Tuman na ini nga inhustisya! Wala na gani nagasanto ang ngalan nga ESA tungod halos duha n aka tuig kag ipanagtag ini. Wala gid bulig ang gobyerno sa nagkalaguba ang balay pagkatapos gid sang bagyo.

Kon wala ang mga NGOs kag pribado nga mga donor, mas madamu ang nahalitan nga pumuluyo nga wala sang disente nga atop sa pagkatapos sang bagyo. Dapat ipatuman ang ESA sa tanan nga nagkalaguba ang balay sang bagyo.

Nagademanda man kami nga dugang sa ESA, hatagan sang livelihood assistance ang mga biktima sang superbagyo./ptlogo

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s